أنا صحيح إني صغيره بسني*** بس انتبه حبي ترى حيل هالك
لا لا تخليني أحطك بظني*** والله لعزي فيك عمك وخالك
دام العذاب فنون اخضع لفني*** عندي العذاب أشكال ماهي فبالك
نصيحتي ابعد بعيد وخلني*** اخترت أنا الفرقا وبنهي وصالك
أحذرك ما هو بتهديد مني*** ما ينفعك لو قلت كلي حلا لك
شفتك تقدر تعيش عني*** متهني ولا ذكرته قلب عزك وشالك
ما أقنع بكذبك ولا هو يهمني*** تكذب على نفسك وتتبع خيالك
لا تعتقد إني أصدق تحبني*** حتى عيونك تفضحك وانفعالك
بدري عليك انك تهيني وتذلني*** أنا عزيزة نفس والذل فالك
إعشق منو تعشق ترى ما تحرني*** أنا لقيت اللي يحبني بدالك
وإذا لمحت الهم بعينك يسرني*** تبعد عن العالم وعايش لحالك
تذكر كلام قلته العام عني منت اللي*** قده وأحسن اللي جرالك
_________________
موضوع: مـ ،، ـــ ،، ـ ن ـ ،، ــت قــ ،، ــ د ،، ي ^_^, احم احم ^^ 
الأحد يناير 20, 2008 9:13 pm
